好多朋友食嘢喜歡要「重口味」，稍為淡少少都食唔慣，不過大家都知如果食物落太多鹽係會導致身體吸收太多鈉，十分唔健康，要導致好多慢性疾病。日本明治大學研究人員近日就發明咗一款智能餐具，與飲食集團「麒麟」（Kirin）合作，今年4月首先推出智能筷子，可以將食物嘅鈉離子傳送入食用者口中帶來鹹味。

但團隊發現筷子接觸食物嘅面積太少，加上要插電線非常不便；於是又宣佈會推出新產品，就係智能湯匙及碗，兩者都係內置電池唔需要用電線，另外更可以令鹹度增加1.5倍，預計新產品於明年初可以上市。「麒麟」集團話唔少餐廳已經向佢哋查詢表示有興趣購入，好多都係Cafe或素食餐廳，因為可以唔加鹽就令食物變鹹，因為非常方便，適合食得健康嘅朋友呢。